سرفراز احمد کو قرنطینہ سے متحدہ عرب امارات بھیجنے کی بجائے گھر بھیج دیا گیا

ذرائع کے مطابق قومی کرکٹ ٹیم کے سابق کپتان اور پی ایس ایل میں کوئٹہ گلیڈیئٹر کے کپتان سرفراز احمد کو آئسولیشن سے گھر بھیج دیا گیا ہے۔

تفصیلات کے مطابق قومی کرکٹ ٹیم کے سابق کپتان سرفراز احمد کو گزشتہ روز کراچی ایئرپورٹ پر یونائیٹڈ عرب امارات کے سفر کے لئے اجازت نامہ نہیں دیا گیا تھا اور انہیں واپس ہوٹل بھیج دیا گیا تھا تاہم آج بھی اسی بھی انتظامیہ کی جانب سے سرفراز احمد کو ہوٹل سے واپس گھر بھیج دیا گیا ہے۔ ذرائع کا کہنا ہے کہ قرنطینہ میں موجود سرفراز احمد کے ساتھ ساتھ 12 افراد کو بھی ان کے گھر بھیج دیا گیا ہے۔

ذرائع کے مطابق دوسری جانب پاکستان کرکٹ بورڈ انتظامیہ کی جانب سے بیان جاری کیا گیا ہے کہ سرفراز احمد اور دیگر 12کھلاڑیوں اور آفیشلز کو میڈیکل ایڈوائزری پینل کی ہدایات پر گھر بھیجا گیا ہے۔

ذرائع کا کہنا ہے کہ پاکستان کرکٹ بورڈ کی انتظامیہ کی جانب سے کہا گیا ہے کہ کھلاڑیوں اور آفیشلز کو ویزوں کے اجراء میں مزید دیر ہونے کی وجہ سے اور میڈیکل ایڈوائزری کی رائے پر عمل کرتے ہوئے گھر بھیج دیا گیا ہے تاکہ وہ اپنے بچوں اور اہل خانہ کے ساتھ وقت گزار سکے۔

ذرائع کے مطابق کسی بھی کا کہنا ہے کہ کھلاڑیوں اور آفیشلز کے ویزے ملنے کے فوراً بعد ان کا پی سی ٹیسٹ کرنے کے بعد میں فورا میں متحدہ عرب امارات کے لئے روانہ کر دیا جائے گا۔

کئی کھلاڑی اور آفیشلز پاکستان میں ابھی تک موجود، پاکستان سے دبئی روانہ ہونے کے لیے ویزے تاحال نہ مل سکے

پی سی بی ذرائع کے مطابق پاکستان میں موجود 25 کھلاڑی اور کئی آفیشلز پاکستان سپر لیگ میں شرکت کرنے کے لیے تاحال دبئی نہ پہنچ سکے۔

تفصیلات کے مطابق کسی بھی ادارے کی جانب سے کہا گیا ہے کہ پاکستان سپر لیگ میں شرکت کرنے والے 25 کھلاڑی اور کیا آفیشلز ابھی تک پاکستان میں موجود ہیں۔ دبئی کے ویزے نہ ملنے کی وجہ سے کھلاڑیوں اور آفیشلز کی روانگی ابھی تک رکی ہوئی ہے۔

ذرائع کے مطابق پاکستان کرکٹ بورڈ کے ذرائع کی جانب سے کہا گیا ہے کہ یونائیٹڈ عرب امارات میں ہفتہ وار چھٹی ہونے کی وجہ سے متعدد معاملات تاخیر کا شکار ہوئے ہیں لیکن آج سب معاملات کلیئر ہو جائیں گے۔

ذرائع کے مطابق پاکستان کرکٹ بورڈ کی جانب سے کہا گیا ہے کہ کئی غیر ملکی کھلاڑی پاکستان سپر لیگ میں شرکت کے لیے یونائیٹڈ عرب امارات پہنچ چکے ہیں تاہم ان غیر ملکی کھلاڑیوں کے نام ایک ساتھ اناؤنس کیے جائیں گے۔

واضح رہے کہ کرونا وائرس کی تیسری لہر میں شدید اضافے کے باعث پاکستان میں جاری پاکستان سپر لیگ کو ملتوی کر دیا گیا تھا۔ تاہم پاکستان کرکٹ بورڈ کی جانب سے کاوشیں اور کوشش جاری رکھنے کی وجہ سے اب دوبارہ پاکستان سپر لیگ کے بقیہ میچز کو متحدہ عرب امارات میں کروانے کی اجازت مل چکی ہے۔

پی ایس ایل: بڑی خبر، 10سری لنکن کھلاڑیوں کو پاکستان آنے کی اجازت دے دی گئی

ذرائع کے مطابق پاکستان سپر لیگ میں شرکت کرنے کے لیے دس سری لنکن کھلاڑیوں کو پاکستان آنے کی اجازت دے دی گئی ہے۔

تفصیلات کے مطابق سول ایسوسی ایشن اتھارٹی کی جانب سے 10 سری لنکا کے کھلاڑیوں کو پاکستان سپر لیگ میں شرکت کرنے کے لیے پاکستان آنے کی اجازت دے دی گئی ہے۔

ذرائع کے مطابق پاکستان کرکٹ بورڈ کی جانب سے دس سری لنکن کھلاڑیوں کو پاکستان لانے کے لئے سول ایسوسی ایشن اتھارٹی کو درخواست دی گئی تھی۔

پی ایس ایل کیلنے کی خصوصی اجازت حاصل کرنے والے دس سری لنکن کھلاڑی پاکستان آئیں گے۔ ان کی کروناویکسین نیشن کی جائے گی جس کے بعد وہ قرنطینہ کی مدت پوری کرنے کے بعد پاکستان سپر لیگ میں شرکت کرنے کے لیے ابوظہبی روانہ ہوں گے۔

واضح رہے کہ کرونا وائرس کی تیسری لہر میں شدید اضافے کی وجہ سے پاکستان نے سری لنکا کو بھی سی کیٹیگری کے ممالک میں شامل کیا ہوا ہے۔ جس کا مطلب ہے کہ سری لنکا سے کوئی بھی پاکستان کے لیے سفر نہیں کر سکتا۔ تاہم پاکستان سپر لیگ میں شرکت کے لیے سری لنکا کے دس کھلاڑیوں کو پی سی بی کی درخواست پر خصوصی اجازت نامہ جاری کیا گیا ہے۔

ذرائع کے مطابق تمام کھلاڑی 26 مئی کو چارٹرڈ پروازوں کے ذریعے پاکستان سے یونائیٹڈ عرب امارات کی طرف روانہ ہوں گے۔ یاد رہے کہ گذشتہ کچھ دن پہلے ہی پاکستان کرکٹ بورڈ کی جانب سے پاکستان سپر لیگ 6 کے بقیہ میچز یونائیٹڈ عرب امارات میں کروانے کا اعلان کیا گیا تھا۔

منظوری مل گئی :پاکستان سپر لیگ کے بقیہ میچز متحدہ عرب امارات میں کروائے جائیں گے

ذرائع کے مطابق پاکستان سپر لیگ 6 کے بقیہ میچز یونائیٹڈ عرب امارات میں کروائے جانے کی منظوری مل چکی ہے۔

تفصیلات کے مطابق پاکستان کرکٹ بورڈ کی جانب سے اعلان جاری کیا گیا ہے کہ پاکستان سپر لیگ 6 کے بقیہ میچز متحدہ عرب امارات میں کروائے جائیں گے۔ متحدہ عرب امارات کی جانب سے پاکستان سپر لیگ کے بقیہ میچز کروانے کی منظوری دی جا چکی ہے۔

پاکستان کرکٹ بورڈ کی جانب سے کہا گیا ہے کہ دبئی میں پاکستان سپر لیگ کے بقیہ میچز کا انعقاد 4 جون سے شروع کیا جائے گا تاہم بیشتر انٹرنیشنل کھلاڑی اور انٹرنیشنل کوچز کرونا وبا کے باعث پاکستان سوپر لیگ کے بقیہ میچز میں حصہ نہیں لے پائیں گے۔ جب کہ اس حوالے سے فرنچائز اور پاکستان کرکٹ بورڈ کے درمیان بات ہونا ابھی باقی ہے۔

ذرائع کی جانب سے کہا گیا ہے کہ آج پاکستان کرکٹ بورڈ پاکستان سپر لیگ میں موجود فرنچائزز کے مالکان کے ساتھ آن لائن اجلاس میں دبئی میں پاکستان سپر لیگ کے میچز کے حوالے سے انتظامات کی حتمی شکل دی جانے کے متعلق بات کرے گا۔

دوسری جانب پاکستان کرکٹ بورڈ کے چیف ایگزیکٹو کی جانب سے کہا گیا ہے کہ پاکستان سپر لیگ کے بقیہ میچز کے لیے متحدہ عرب امارات کی جانب سے اجازت مل چکی ہے۔ پاکستان سپر لیگ کے انعقاد کے رستے میں آنے والی تمام تر رکاوٹیں ختم ہوچکی ہیں ہم بہت خوش ہیں اور ایونٹ کے باقی میچز کروانے کے لیے مکمل طور پر تیار ہیں۔

وسیم خان کی جانب سے متحدہ عرب امارات حکومت، نیشنل ایمرجنسی کراسز اینڈ ڈیزاسٹر منیجمنٹ اتھارٹی، یونائیٹڈ عرب امارات کرکٹ بورڈ اور ابوظہبی اسپورٹس نسل کا بے حد شکریہ ادا کرتے ہیں۔ جن کی جانب سے پاکستان سپر لیگ کے انعقاد کے رستے میں حائل رکاوٹوں کو دور کرنے کے لئے پاکستان کرکٹ بورڈ کا بھرپور ساتھ دیا گیا۔

پاکستان کرکٹ ٹیم کا دورہ ویسٹ انڈیز کا شیڈول سامنے آگیا

ذرائع کے مطابق پاکستان کرکٹ بورڈ (پی سی بی) کی جانب سے پاکستان کرکٹ ٹیم اور ویسٹ انڈیز کرکٹ ٹیم کے درمیان ہونے والی سیریز کا شیڈول جاری کردیا گیا ہے۔

تفصیلات کے مطابق پاکستان کرکٹ ٹیم دورہ ویسٹ انڈیز کے لیے جولائی کے مہینے میں روانہ ہو گئیں اور وہاں تین روزہ قرنطینہ کرے گی۔ پی سی بی حکام کی جانب سے بتایا گیا ہے کہ پاکستان کا دورہ ویسٹ انڈیز 21 جولائی سے 24 اگست تک شیڈول کیا گیا ہے۔

پی سی بی کے مطابق پاکستان کرکٹ ٹیم ویسٹ انڈیز کرکٹ ٹیم کے ساتھ پانچ ٹی ٹوئنٹی میچز اور دو ٹیسٹ میچز کھیلے گی۔ ذرائع کا کہنا ہے کہ شیڈول شدہ سیریز میں ایک ٹیسٹ میچ کو کم کرکے دو ٹی ٹوئنٹی میچز کو بڑھا دیا گیا ہے۔ پاکستان اور ویسٹ انڈیز کے درمیان پانچ ٹی ٹوئنٹی میچز دو الگ ونیوز میں کھیلے جائیں گے۔ پہلے 3 ٹی ٹوئنٹی میچز بارباڈوس جبکہ بقیہ دو ٹی ٹوئنٹی میچز گیانا میں کھیلے جائیں گے۔ پہلا ٹی ٹونٹی میچ 27 جولائی، دوسرا 28 جولائی اور تیسرا 31 جولائی کو کھیلا جاۓ گا۔ چوتھا اور پانچواں ٹی ٹونٹی میچز یکم اگست اور 3 اگست کو کھیلے جائیں گے۔

ٹیسٹ سیریز شروع ہونے سے قبل پاکستان اور ویسٹ انڈیز کی ٹیموں کے درمیان دو روزہ پریکٹس میچ بھی کھیلا جائے گا تاہم پہلا ٹیسٹ میچ 12 اگست جبکہ دوسرا ٹیسٹ میچ 20 اگست سے شروع ہوگا۔

چیف ایگزیکٹیو پاکستان کرکٹ بورڈ کو وسیم خان کی جانب سے پاکستان کرکٹ ٹیم کا دورہ ویسٹ انڈیز بڑی اہمیت کا حامل بتایا جارہا ہے۔ ان کا کہنا تھا کہ ٹی ٹوئنٹی ورلڈ کپ کے پیش نظر پاکستان کرکٹ ٹیم اور ویسٹ انڈیز کر کٹ ٹیم کے درمیان تین ٹیسٹ میچز میں سے ایک ٹیسٹ میچ کو کم کرکے دو ٹی ٹوئنٹی میچز میں اضافہ کیا گیا ہے۔ ان کا کہنا تھا کہ یہ فیصلہ دونوں بورڈز کی مرضی سے ہوا ہے۔

پاکستان نے دوسرے ٹیسٹ میچ کی پہلی اننگز 510 رنز پر ڈکلیئر کر دی

پاکستان نے دوسرے ٹیسٹ میچ کی پہلی اننگز 510 رنز پر ڈکلیئر کر دی جس میں عابد علی نے ڈبل سنچری اور اظہر علی نے سنچری سکور کیا

پاکستان نے دوسرے ٹیسٹ میچ کے پہلے دن 268 رنز چار وکٹون کے نقصان پر بناے , پاکستان نے ٹاس جیت کر بیٹنگ کا فیصلہ کیا تھا پہلے دن کے اختتام پر اظہر علی 126 رنز بنا کر آؤٹ ہو گئے تھے , کپتان باراعظم دو اور فواد عالم پانچ رنز بنا کر بولٹین لوٹ گئے جبکہ عابد علی سنچری بنا کر وکٹ پر موجود تھے ساجد خان ان کا ساتھ دے رہے تھے

دوسرے دن کے آغاز میں دونوں کھلاڑیوں نے سنبھل کر بیٹنگ کرتے ہوئے پاکستان کی ٹرپل سنچری مکمل کرائی ساتھ ہی ساجد خان 20 رنز بنا کر آؤٹ ہو گئے محمد رضوان ایک بار پھر بڑی اننگز کھلینے میں ناکام ہو گئے 21 رنز ہی بنا پاے

341 رنز پر 7 وکٹیں کے نقصان کے بعد عابدعلی کا ساتھ دینے نعمان علی آئے اور دونوں نے جارحانہ بیٹنگ کرتے ہوے اسکور بڑھایا عابد علی نے اپنے کیرئیر کی پہلی ڈبل سنچری مکمل کی اور بدقسمتی سے نعمان علی تین زنز کی کمی سے کیرئیر کی پہلی سنچری بنانے میں ناکام رہے نعمان علی 104 گیندوں پر 97 زنز بنا کر چلتے بنے جس میں پانچ چھکے اور 9 چوکے شامل تھے یوں آٹھویں وکٹ کی شراکت داری کا اختتام 169 زنز پر ہوا

پاکستان نے نعمان کے آؤٹ ہوتے ہی 510 رنز پر اننگز ڈکلیئر کر دی جبکہ عابد علی 215 رنز بنا کر ناٹ آؤٹ رہے

دوسری جانب زمباوے نے دوسرے دن کے اختتام پر 4 وکٹوں کے نقصان پر 52 رنز بنائے

خیال رہے کہ پاکستان کو دو ٹیسٹ میچوں کی سیریز میں 0-1 کی برتری حاصل ہے۔

مشہور کرکٹر کے گھر ڈکیتی کی واردات، چور قیمتی سامان لے کر فرار

ذرائع کے مطابق لاہور میں قیام پذیر ایک مشہور ٹیسٹ کرکٹر کے گھر ڈکیتی کی واردات ہوئی ہے۔ چور موبائل فون سمیت نقدی لے کر فرار ہو گئے۔

تفصیلات کے مطابق پاکستان کرکٹ ٹیم کے مایا ناز فاسٹ بولر اعزاز چیمہ کے گھر میں ڈکیتی کی واردات پیش آئی ہے۔ ڈکیتی کے دوران چوروں نے اعزاز چیمہ کے بیٹے پر پستول تان کر نقدی اور موبائل فون لیے اور فرار ہوگئے۔

ذرائع کے مطابق ٹیسٹ کرکٹر اعزاز چیمہ کی جانب سے نجی ٹی وی چینل سے گفتگو کرتے ہوئے کہا گیا ہے کہ ان کا گھر لاہور میں کنال روڈ پر موجود ایک ہاؤسنگ سوسائٹی میں ہے۔ ڈکیتی کی واردات کے دوران وہ گھر سے باہر تھے۔ چوروں نے پہلے ہمسایوں کے گھر میں ڈکیتی کی ۔ ان کا کہنا تھا کہ میری اہلیہ بھی اسی وقت شاپنگ کر کے گھر کے دروازے پر پہنچی تھی کہ چور بھی پستول تان کر ان کے ساتھ ہیں میرے گھر میں گھس گئے۔

دوران گفتگو اعزاز چیمہ کا کہنا تھا کہ ڈاکوؤں کی تعداد چھ تھی لیکن میرے گھر میں صرف دو ڈاکو آئے تھے۔ جن میں سے ایک ڈاکو نے میرے بیٹے پر پستول تان رکھی تھی۔ ڈاکوؤں نے میری اہلیہ سے موبائل فون چھین لیا اور نقدی لے کر گھر سے فرار ہو گئے۔

دوسری جانب پولیس کی طرف سے یہ بیان سامنے آیا ہے کہ اعزاز چیمہ کی درخواست موصول ہونے پر مقدمہ درج کر لیا گیا تھا اور چوروں کی تلاش کے لیے کارروائی کی جا رہی ہے۔

خواتین کرکٹرز فردوس عاشق اعوان سے مستفید ہو سکتی ہیں، وزیراعلی کی معاون خصوصی کا اہم اعلان

ذرائع کے مطابق وزیر اعلی پنجاب سردار عثمان بزدار کے معاون خصوصی فردوس عاشق اعوان کی جانب خواتین کرکٹرز کے لیے ترقیاتی منصوبوں کا افتتاح کرتے ہوئے کہا گیا ہے کہ پاکستان میں موجود خواتین کرکٹرز مجھ سے کوچنگ لے سکتی ہیں۔

تفصیلات کے مطابق گزشتہ روز معاون خصوصی برائے وزیر اعلیٰ پنجاب فردوس عاشق اعوان کی جانب سے لاہور میں خواتین کرکٹرز کے لئے ترقیاتی پروگرامز کا افتتاح کیا گیا۔ افتتاحی تقریب کے بعد معاون خصوصی برائے وزیر اعلی پنجاب فردوس عاشق اعوان کا میڈیا سے گفتگو کرتے ہوئے کہنا تھا کہ میں نہ صرف کرکٹ کے بارے میں جانتی ہوں بلکہ دوسری خواتین کرکٹرز کی تربیت کرنے کے لیے تیار ہوں اور اہلیت بھی رکھتی ہوں۔

ذرائع کے مطابق فردوس عاشق اعوان کا مزید کہنا تھا کہ وہ سکول کے زمانے سے ہی مختلف اسپورٹس میں حصہ لیتی رہی ہیں تاہم کوچنگ کے فقدان کی وجہ سے یہ سلسلہ مزید جاری نہیں رکھ سکے۔ ان کا کہنا تھا کہ کرکٹ سے میں بہت اچھی طرح واقف ہوں اور میری پیشکش ہے کہ ملک کی خواتین جو کرکٹ کھیلتی ہیں وہ میری خدمات حاصل کر سکتی ہیں۔

واضح رہے کہ معاون خصوصی برائے پنجاب فردوس عاشق اعوان کئی مرتبہ میڈیا کے سامنے کرکٹ فٹبال اور دیگر اسپورٹس کا مظاہرہ کر چکی ہیں ان کی ویڈیو سوشل میڈیا پر بہت زیادہ وائرل ہوئی ہیں اور عوام کی جانب سے مختلف تبصرے بھی کیے گئے ہیں۔ اس کے ساتھ ساتھ فردوس عاشق اعوان میڈیا کے سامنے ریسکیو 1122 کی موٹر سائیکل ایمبولینس کی سواری بھی کر چکی ہیں۔

یاد رہے کہ ایک بار کرکٹ کھیلتے ہوئے معاون خصوصی برائے وزیراعلی فردوس عاشق عوان گورنر سندھ کو باؤلنگ کرواتے ہوئے بولڈکر چکی ہیں ایک بار فٹبال کو انہوں نے ایسے کک لگائی تھی کہ دیکھنے والے حیران رہ گئے تھے جس سے پتہ چلتا ہے کہ وہ کھیلوں میں کافی دلچسپی رکھتی ہیں۔

پی ایس ایل کے بقیہ میچز کراچی میں کروائے جائیں گے یا نہیں، اہم اعلان کر دیا گیا

ذرائع کے مطابق پاکستان سپر لیگ کی انتظامیہ کی جانب سے پی ایس ایل 6 کے بقیہ میچز کروانے کے لیئے کراچی کو پہلا آپشن قرار دیا گیا ہے۔

تفصیلات کے مطابق پاکستان سپر لیگ کی انتظامیہ کی جانب سے وفاقی دارالحکومت اسلام آباد میں این سی او سی کے اعلیٰ حکام سے ملاقات کی گئی ہے۔ اس ملاقات کے دوران پاکستان سپر لیگ کی انتظامیہ نے پی ایس ایل 6 کے بقیہ میچز کروانے کے متعلق بھی بات چیت کی ہے۔

ذرائع کے مطابق پی ایس ایل انتظامیہ اور این سی او سی کے احکام کی ملاقات کے دوران پی ایس ایل انتظامیہ کی جانب سے کراچی کو پی ایس ایل 6 کے بقیہ میچز کروانے کے لئے پہلا آپشن قرار دیا گیا ہے تاہم این سی او سی حکام کی جانب سے اس پر کوئی بات سامنے نہیں آئی ہے۔

ذرائع کے مطابق کراچی میں پی ایس ایل 6 کے بقیہ میچز کروانے کے لیے پاکستان سپر لیگ کی انتظامیہ کی جانب سے این سی او سی کے حکام سے گائیڈ لائنز کے متعلق سوال کیا گیا تھا۔ نیشنل کمانڈ اینڈ آپریشن سینٹر کے حکام سے گائیڈلائنز حاصل کرنے کے بعد پی ایس ایل انتظامیہ گورننگ کونسل کی جانب سے منعقد کردہ اجلاس میں ان گائیڈلائنز کے حوالے سے بات چیت کرے گی اور ان گائیڈ لائنز کو سامنے رکھتے ہوئے آئندہ کے لائحہ عمل پر غور کیا جائے گا۔

ذرائع کا کہنا تھا کہ پی ایس ایل انتظامیہ کی جانب سے یہ بات سامنے آئی ہے کہ پی ایس ایل 6 کے بقیہ میچز کروانے کے لیے کراچی کو پہلا جبکہ یو اے ای کو دوسرا آپشن قرار دیا گیا ہے۔ اس پر پی سی بی حکام کا کہنا ہے کہ انہیں پی ایس ایل 6 کے بقیہ میچز یو اے ای میں کروانے پر کوئی اعتراض نہیں ہے۔ پی سی بی حکام کا کہنا ہے کہ پاکستان کرکٹ بورڈ ہر حال میں پاکستان سپر لیگ 6 کے ملتوی نہ ہونے کے لیے کوشاں ہے۔

واضح رہے کہ پاکستان سپر لیگ 6 کے بقیہ میچز
یکم جون سے کراچی میں شروع کیے جائیں گے۔

آئی سی سی پلیئر آف دی منتھ کے لیے دوپاکستانی پلیئرز کے نام شارٹ لسٹ کرلیے گئے

انٹرنیشنل کرکٹ کونسل (آئی سی سی) نے ماہ اپریل کے پلیئر آف دی منتھ کیلئے پاکستان کرکٹ ٹیم کے کپتان بابر اعظم اور اوپنر فخر زمان کو شارٹ لسٹ کرلیا ہے۔

تفصیلات کے مطابق انٹرنیشنل کرکٹ کونسل (آئی سی سی) نےماہ اپریل کے پلیئر آف دی منتھ کے لئے ناموں کو شارٹ لسٹ کیا ہے، شارٹ لسٹ کئے گئے پلیئرز میں قومی ٹیم کے کپتان بابراعظم اور اوپنر فخرزمان شامل ہیں، اس کے علاوہ آئی سی سی نے نیپال کے بلے باز کوشال کو بھی شارٹ لسٹ کیا ہے جنہوں نے اس ماہ دو سو اٹھہتر رنز بنائے تھے۔

کپتان بابراعظم کے لئے پچھلہ مہینہ شاندار رہا تھا، جہاں مایہ ناز بلے باز بابراعظم بھارتی کپتان ویرات کوہلی سے نمبر ون کی پوزیشن چھین کر نمبر ون او ڈی آئی بیٹسمیں بن گئے ہیں ، ماہ اپریل میں ہی بابراعظم ٹی ٹوئنٹی رینکنگ میں دوسری پوزیشن پر قبضہ جما چکے ہیں

قوم ٹیم کے کپتان بابر اعظم نے جنوبی افریقہ کیخلاف ٹی ٹوئنٹی میں شاندار سنچری سمیت ون ڈے انٹرنیشنل میں میچ وننگ چورانوے رنز بنا کر شائقین کے دل جیت لیے

فخر زمان نے اپریل میں دو سنچریاں بنائیں جس میں ایک سو ترانوے رنز کی دھواں دار ریکارڈ ساز اننگز بھی شامل تھی۔

یہ پہلا موقع ہے جب یکے بعد دیگرے دو پاکستانی بلے باز آئی سی سی کے آئی سی سی پلیئر آف دی منتھ کےلئے منتخب کئے گئے ہیں،آئی سی سی پلیئر آف دی منتھ کا اعلان 10 مئی بروز پیر کو کیا جائے گا۔

یاد رہے کہ سال 2021 کے آغاز پر انٹرنیشنل کرکٹ کونسل (آئی سی سی)نے کھلاڑیوں کی بہترین کارکردگی کو دیکھتے ہوے نئے ایوارڈز متعارف کرائے تھے، جن میں پلئیرآف دی منتھ ایوارڈ بھی شامل تھا، پلئیر آف دی منتھ کے ایوارڈ کے حقدار کھلاڑی کا انتخاب ووٹنگ کے ذریعے کیا جاتا ہے