چلتے پھرتے ڈیجیٹل ڈالر کمائیں

انٹرنیٹ پر خرید و فروخت ہونے والے سکّے ’کرپٹو کرنسی‘ نے ایک نئی ایپ متعارف کرائی ہے جس سے پیدل چلنے والے یہ کرنسی کما سکتے ہیں۔

کمپیوٹر کے ذریعے پیدا کی جانے والی ’بِٹ کوائنز‘ یا ان جیسے دیگر سکّوں کے برعکس آپ ’بِٹ واکنگ ڈالر‘ چل پھر کر کما سکتے ہیں۔

اس کے لیے اب آپ ایک نئی ایپلیشن یا ایپ اپنے فون پر ڈاؤن لوڈ کر سکیں گے ہیں جو صارف کے قدموں کا شمار کرتی ہے اور تقریباً ہر ایک ہزار قدم کے بعد آپ ایک بِٹ واکنگ ڈالر یا بی ڈبلیو ڈالر کے حقدار ہو جاتے ہیں۔

پاکستان جونیئر ایشیا ہاکی کپ کے فائنل میں پہنچ گیا

ملائشیا (نیوز ڈیسک ) پاکستان جنوبی کوریا کو شکست دے کر جونیئر ایشیا ہاکی کپ کے فائنل میں پہنچ گیا جس میں اس کا مقابلہ روایتی حریف بھارت سے ہوگا۔قومی ہاکی ٹیم جنوبی کوریا کو شکست دے کر جونیئر ایشیا ہاکی کپ کے فائنل میں پہنچ گئی، سیمی فائنل میں پاکستان اور کوریا کا میچ مقررہ وقت تک 2-2 گول سے برابر رہا تاہم قومی ٹیم نے جنوبی کوریا کو پنالٹی شوٹ پر 7-8 سے شکست دے کر فائنل تک رسائی حاصل کرلی۔ جونیئر ایشیا ہاکی کپ کے فائنل میں کل پاکستان کا مقابلہ روایتی حریف بھارت سے ہوگا۔

’ایسے کھلاڑی کے ساتھ نہیں کھیل سکتا جس نے ملک کو بدنام کیا ہو‘

پاکستان کی کرکٹ ٹیم کے کھلاڑی محمد حفیظ نے بنگلہ دیشی پریمیئر لیگ میں سپاٹ فکسنگ میں ملوث سزا یافتہ فاسٹ بولر محمد عامر کے ساتھ کھیلنے سے انکار کر دیا ہے۔

واضح رہے کہ چٹاگانگ نے بنگلہ دیشی پریمیئر لیگ میں محمد عامر اورمحمد حفیظ سے معاہدہ کیا تھا لیکن محمد حفیظ نے محمد عامر کے ساتھ کھیلنے سے انکار کر دیا ہے۔

محمد حفیظ کا کہنا ہے کہ یہ ذاتی معاملہ نہیں ہے بلکہ اس کا تعلق ملک کی عزت اور ساکھ سے ہے، اور وہ کسی ایسے کھلاڑی کے ساتھ نہیں کھیل سکتے جس نے ملک کو بدنام کیا ہو۔

محمد عامر کو اجازت دینے پر پی سی بی سے جواب طلب

عامر کرکٹ کے میدان میں واپسی کے اہل ہیں یا نہیں؟

محمد عامر کو ڈومیسٹک کرکٹ کھیلنے کی اجازت مل گئی

محمد حفیظ نے کہا کہ اگر کسی دوسری ٹیم نے انھیں پیشکش کی تو وہ بنگلہ دیشی پریمئر لیگ کھیلیں گے۔

محمد حفیظ نے اس سوال پر کہ آپ اس وقت کیا کریں گے جب محمد عامر کو پاکستانی ٹیم میں منتخب کر لیا جائے گا تو انھوں نے اس بات کا جواب دیتے ہوئے صرف اتنا کہا کہ یہ وقت بتائے گا ۔

محمد عامر ان تین کرکٹروں میں شامل ہیں جنھیں سپاٹ فکسنگ میں ملوث ہونے پر سزا ہوئی تھی۔ تینوں کرکٹر آئی سی سی کی جانب سے پابندی کی مدت ختم ہونے کے بعد ڈومیسٹک کرکٹ میں واپس آ چکے ہیں ان میں سے محمد عامر باقاعدہ فرسٹ کلاس کرکٹ شروع کر چکے ہیں جبکہ سلمان بٹ اور محمد آصف کو واپڈا نے اپنی ٹیم میں شامل کیا ہے۔

پاکستان کرکٹ بورڈ محمد عامر کے معاملے میں ہمیشہ سے نرم گوشہ رکھے ہوئے ہے اور اس بات کے امکانات بھی روشن ہیں کہ انھیں بہت جلد پاکستانی ٹیم کا حصہ بنا دیا جائے۔

یہ اطلاعات بھی سامنے آ رہی ہیں کہ پاکستانی ٹیم کے بیشتر کرکٹر ان سزا یافتہ کھلاڑیوں کی ٹیم میں واپسی کے خلاف ہیں تاہم ان میں سے محمد حفیظ وہ پہلے کرکٹر ہیں جنھوں نے کھل کر اپنے جذبات کا اظہار کیا ہے۔

SOURCE – READ MORE

رگبی کے عالمی شہرت یافتہ کھلاڑی جونا لومو چل بسے

نیوزی لینڈ سے تعلق رکھنے والے رگبی کے عالمی شہرت یافتہ کھلاڑی جونا لومو 40 برس کی عمر میں وفات پا گئے ہیں۔

جونا لومو نے نیوزی لینڈ کی نمائندگی کرتے ہوئے سنہ 1994 سے 2002 کے درمیان 63 میچ کھیلے اور 37 بار سکور کیا۔

وہ سنہ 1996 میں گردے کے ایک خطرناک مرض میں مبتلا ہوگئے تھے۔

گردے کی تکلیف کے باعث انھیں کھیل سے دور ہونا پڑا اور سنہ 2004 میں ان کے گردے کی پیوندکاری کی گئی تھی تاہم سنہ 2011 میں اس نے کام کرنا چھوڑ دیا تھا۔

نیوزی لینڈ رگبی کے چیف ایگزیکٹیو سٹیو ٹیو کا کہنا ہے کہ ’جونا ہمارے کھیل کے لیے عہد ساز کھلاڑی تھے اور انھیں یہاں اور دنیا بھر میں بہت سے مداح چاہتے تھے۔

’ہمارے پاس الفاظ نہیں ہیں اور ہماری دلی ہمدردیاں جونا کی خاندان کے ساتھ ہیں۔‘

جونا لومو کے خاندان کے ترجمان جان مے ہیو نے نیوزی لینڈ ٹی وی کو بتایا کہ کہ لومو کی موت ’مکمل طور پر غیر متوقع‘ تھی اور وہ رگبی کے عالمی کپ کے بعد برطانیہ میں کچھ وقت گزارنے کے بعد وہاں سے منگل کو واپس لوٹے تھے۔

SOURCE – READ MORE

ورلڈ ٹوورز کے سیمی فائنل میں جوکووچ نے نڈال کو شکست دے دی

نواک جوکووچ نے رافیل نڈال کو ٹینس کے اے ٹی پی ورلڈ ٹوور فائنلز کے سیمی فائنل مقابلوں میں باآسانی شکست دے کر فائنل میں جگہ بنا لی ہے اور وہ اب ان کے پاس مسلسل چوتھی بار یہ ٹائٹل جیتنے کا موقع ہے۔

سربیا سے تعلق رکھنے والے نواک جوکووچ نے ہسپانوی ٹینس سٹار رافیل نڈال کو چھ، تین اور چھ، تین سے شکست دے کر دونوں کھلاڑیوں کے درمیان کھیلے گئے میچوں میں جیت کے تناسب کو 23-23 سے برابر کر دیا ہے۔

’میں مداحوں کی حمایت حاصل کرنا چاہتا ہوں‘

اس جیت کے ساتھ جوکووچ نڈال کے خلاف کھیلے جانے والے گذشتہ نو میچوں میں سے آٹھ میں کامیابی حاصل کر لی ہے۔

جوکووچ اب فائنل میں کس کھلاڑی کا سامنا کریں گے اس کا فیصلہ راجر فیڈرر اور واورینکا کے درمیان کھیلے جانے والے دوسرے سیمی فائنل کے بعد ہو گا۔

نڈال نے گروپ مقابلوں میں عمدہ کھیل پیش کیا اور ٹورنامنٹ میں تین اچھی کامیابیوں کے بعد ان کا کہنا تھا کہ وہ اپنی بہترین فارم میں واپس آگئے ہیں۔

دوسری جانب جوکوووچ اس ٹورنامنٹ میں وہ کھیل پیش کرنے میں ناکام رہے تھے جس کے لیے وہ جانے جاتے ہیں۔

تاہم جوکووچ نے اس میچ میں عمدہ واپسی کی اور پہلا سیٹ جیتنے کے بعد نڈال کو میچ میں واپسی نہ کرنے دی۔

واضح رہے کہ نڈال 14 جبکہ جوکووچ دس گرینڈ سلیم ٹائٹل جیت چکے ہیں۔

SOURCE – READ MORE

پاک بھارت کرکٹ روابط کی بحالی کے لیے کوششیں

انگلینڈ اینڈ ویلز کرکٹ بورڈ کے صدر جائلز کلارک نے پاک بھارت کرکٹ روابط کی بحالی کے لیے دونوں کرکٹ بورڈز کے سربراہان سے رابطہ کیا ہے۔

تاہم پاکستان کرکٹ بورڈ نے ان پر واضح کردیا ہے کہ پاک بھارت کرکٹ کے بارے میں اس کا موقف اصولی ہے اور اب جو بھی فیصلہ ہوگا وہ پاکستانی حکومت کرے گی۔

بھارت میں نہیں کھیلنا

پاکستان کرکٹ ٹیم کو بھارت کا دورہ نہیں کرنا چاہیے: چوہدری نثار

پاکستان کرکٹ بورڈ کے چیئرمین شہریار خان اور بھارتی کرکٹ بورڈ کے صدر ششانک منوہر اس وقت دبئی میں ہیں جبکہ جائلز کلارک بھی ہفتے کے روز دبئی پہنچ رہے ہیں جہاں وہ دونوں کرکٹ بورڈز کے سربراہان سے ملاقات کریں گے۔

پاکستان کرکٹ بورڈ کے چیئرمین شہریار خان کا کہنا ہے کہ وہ پہلے سے طے شدہ پروگرام کے تحت صرف پاکستان اور انگلینڈ کا آخری ون ڈے انٹرنیشنل دیکھنے کے لیے دبئی آئے ہیں۔

’انھیں پتہ چلا ہے کہ ششانک منوہر بھی آئی سی سی کے صدر کے عہدے پر نامزدگی کے بعد دبئی آئے ہوئے ہیں اگر انھوں نے ان سے ملنے کی خواہش ظاہر کی تو وہ ان کی بات ضرور سنیں گے لیکن پاکستان نے اپنی بات واضح کر دی ہے کہ پاکستانی ٹیم اپنی ہوم سیریز بھارت جا کر نہیں کھیلے گی۔‘

شہریار خان کا کہنا ہے کہ انگلینڈ اینڈ ویلز کرکٹ بورڈ کے صدر جائلز بھی پاک بھارت سیریز کے لیے کوششیں کر رہے ہیں اور انھوں نے دونوں کرکٹ بورڈز سے رابطہ بھی کیا ہے۔

شہریارخان کا کہنا ہے کہ انھوں نے جائلز کلارک پر بھی یہ بات واضح کر دی ہے کہ وہ انھیں قائل کرنے کی کوشش نہ کریں کیونکہ اب یہ معاملہ حکومت کے ہاتھ میں ہے۔

  ’جائلز بھی پاک بھارت سیریز کے لیے کوششیں کر رہے ہیں اور انھوں نے دونوں کرکٹ بورڈز سے رابطہ بھی کیا ہے‘

شہریار خان کا کہنا ہے کہ انگلینڈ کے سابق کپتان مائیکل وان نے ٹوئٹر پر جس طرح پاکستانی ٹیم کے بارے میں شک وشبہات ظاہر کیے اور پھر اپنے ٹوئٹس ہٹا دیے پاکستان کرکٹ بورڈ یہ معاملہ آئی سی سی میں اٹھائے گا۔

انھوں نے کہا کہ پاکستان کرکٹ بورڈ نے مصباح الحق اور یونس خان کو کرکٹرز کی نمائندگی کرتے ہوئے اپنے بورڈ آف گورنرز میں شامل کرنے کا فیصلہ کیا ہے۔

بورڈ کا خیال تھا کہ رمیز راجہ اور وسیم اکرم کو بورڈ آف گورنرز میں شامل کیا جائے لیکن چونکہ یہ دونوں اب پاکستان سپر لیگ کے سفیر ہیں لہٰذا مصباح الحق اور یونس خان کو بورڈ آف گورنرز میں شامل کیا گیا ہے جبکہ مصباح الحق اور اظہرعلی کو کرکٹ بورڈ کی کرکٹ کمیٹی میں شامل کیا گیا ہے۔

SOURCE – READ MORE

پاکستانی کرکٹرز کے بارے میں شک و شبہ نہیں: رچرڈسن

انٹرنیشنل کرکٹ کونسل کے چیف ایگزیکٹیو ڈیورچرڈسن نے پاکستان اور انگلینڈ کے درمیان شارجہ میں ہونے والے تیسرے ون ڈے میں پاکستانی بیٹسمینوں کے رن آؤٹ کو کھیل کا حصہ قرار دیتے ہوئے اس بارے میں کسی بھی قسم کے شک وشبہے کو مسترد کردیا ہے۔

ڈیوڈ رچرڈسن کا یہ بھی کہنا ہے کہ انہیں شارجہ کرکٹ کے بارے میں بھی کوئی شک و شبہ نہیں ہے۔

واضح رہے کہ شارجہ میں کھیلا گیا تیسرا ون ڈے اسوقت سے شہ سرخیوں میں ہے جب انگلینڈ کے سابق کپتان مائیکل وان نے اس میچ میں پاکستان کی شکست کو مشکوک قرار دیتے ہوئے پاکستانی بیٹسمینوں کی کارکردگی خاص کر تین رن آؤٹ کے بارے میں ٹوئٹس کیے تھے جو انھوں نے کچھ دیر بعد ہی اپنے صفحے سے ہٹا بھی دیے تھے۔

مائیکل وان کے ٹوئٹس کے بعد لندن کے اخبار ڈیلی میل میں ایڈ ہاکنز نے اپنے مضمون میں تیسرے ون ڈے کو مبینہ طور پر مشکوک قرار دیتے ہوئے یہ کہا کہ آئی سی سی کا اینٹی کرپشن یونٹ اس میچ کے بارے میں تحقیقات کر رہا ہے۔

آئی سی سی نے اس بارے میں تردید یا تصدیق کرنے سے انکار کر دیا ہے۔

پاکستان کرکٹ بورڈ کا اس بارے میں شدید ردِ عمل سامنے آچکا ہے ۔ پاکستان کرکٹ بورڈ کے چیئرمین شہریار خان کہہ چکے ہیں کہ وہ آئی سی سی میں اس بارے میں احتجاج کرینگے۔

پاکستانی کرکٹ ٹیم کے کوچ وقار یونس نے بھی میچ فکسنگ کے الزامات کو یکسر مسترد کرتے ہوئے کہا ہے کہ انھیں اپنے کھلاڑیوں پر مکمل بھروسہ ہے۔

SOURCE – READ MORE

پرستان سے واپسی

کُلاچ سے کیلاش ایک قسط وار سفرنامہ ہے۔ کراچی سے وادی کیلاش تک کا یہ سفر ہمارے ساتھی شرجیل بلوچ نے چند منچلے خواتین و حضرات کے ساتھ طے کیا ہے۔ راستہ تو خوبصورت ہے ہی، مگر راہی بھی کم نہیں۔ یہ سفر نامہ ہر اتوار کو قسط وار شائع کیا جاتا ہے۔ پیش ہے اس سلسلے کی آخری قسط۔۔۔

مقامی لوگ اور سیاح گروپس کی شکل میں پہاڑ کے اوپر جا رہے ہیں۔ اوپر جاتی پتھریلی سیڑھیاں ہوں گی کوئی سو ڈیڑھ سو۔ چڑھتے چڑھتے جہاں سانس رکتی ہم آس پاس بنے کچے اور تاریک گھروں میں جھانکنے لگتے۔ ان کچے آنگنوں میں مٹی اور پلاسٹک کے بدنما کھلونوں سے کھیلتے ہوئے چھوٹے چھوٹے خوبصورت میلے کچیلے بچے ہمیں دیکھ کر پھرتی سے گھروں کے اندر گُھس جاتے۔

ان کا رویہ بالکل غاروں میں رہنے والوں جیسا تھا۔ اوپر پہاڑ پر سیمنٹ کا پلیٹ فارم تھا جس کی پکی چھت نے تیز دھوپ کو آنےسے روکا ہوا تھا۔ نیچے سو دو سو رنگ برنگ مرد عورتیں بچے بوڑھے لڑکے لڑکیاں اور انکے بیچ دو ڈھول والے۔ سندھ، پنجاب، بلوچستان اور پشتون علاقوں کے ڈھول کی تھاپ اور شہنائی کی دھن پر دل خود بخود رقص کرنے لگتا ہے۔ مگر اس ڈھول کی تھاپ کسی جنگلی قبیلے کی تھاپ جیسی تھی۔

ڈُمبک۔ ڈُمبک۔ ڈُمبک۔ ڈُمبک کی مسلسل آواز اور اس آواز میں مسلسل شور مچاتے ہوئے لڑکے لڑکیاں۔ تین تین چار چار کی قطاروں میں ایک دوسرے کے شانوں پر ہاتھ رکھے کندھے سے کندھا ملائے۔ نیم دائرے میں پہلے دائیں اور پھر واپس بائیں مڑتے اور پھر بکھر جاتے۔ شکاری ان کے اردگرد پوزیشنیں سنبھالے کھڑے تھے۔ ہرایک کی خواہش اور کوشش یہی تھی کہ کوئی بھی پری چہرہ ان کے نشانے سے بچ کر نہ جائے۔

151122011610_kalash_640x360_bbc

بچے اور بچیاں ان ناچتی ہوئی پریوں کے درمیان بے خبر اپنی دنیا میں مست املی والی انگلیاں چاٹنے میں مگن تھیں۔ میرے اطراف ہر چہرہ پری چہرہ تھا۔ مگر بےگانہ اور بالکل لا تعلق۔ ان کی مسکراہٹیں ان کا رقص ان کی نگاہیں صرف ایک دوسرے کے لیے تھیں۔

اس میلے کا کیا نام ہے؟ ہمت کر کے میں نے ساتھ کھڑے نوجوانوں سے پوچھا۔ ان کی سفید چترالی ٹوپیوں میں لگے ہوئے خوبصورت پر دھوپ میں چمک رہے تھے۔آپ پہلا دفعہ آیا ہے؟ ایک نے سپاٹ لہجے میں پوچھا۔ جی۔ میں نے بات بڑھتے دیکھی۔ بس یہ امارہ عید ہے۔ اس نے اپنی اردو میں مجھے سمجھایا۔ اور منہ پھیر کر دوست کی طرف متوجہ ہوگیا۔ میں کچھ دیر اس کی توجہ کا منتظر رہا۔ پھر مڑ کر بھیڑ میں اپنے لوگوں کو ڈھونڈنے لگا۔ آدھے سے زیادہ لوگ جا چکے تھے باقی بھی آنکھوں ہی آنکھوں میں ایک دوسرے سے پوچھ رہے تھے کہ ہو گیا کام؟

میلہ چھوڑ کر پہاڑ کے اوپر جاتی ہوئی سیڑھیوں پر میرے آگے ایک ادھیڑ عمر سیاح ایک نوجوان سیاح کو یہاں کے رسوم ورواج بتاتا جا رہا تھا۔ چلتے چلتے ہم دائیں ہاتھ پر بنے ایک پتھریلے احاطے میں داخل ہوگئے۔ جہاں سے نیچے دور تک وادی میں پھیلے ہوئے لکڑی کے مکانات اور کھیت نظر آ رہے تھے۔ میرے سامنے ایک بڑے سے پتھر پر خون کے خشک چھینٹے پڑے تھے۔ سامنے چٹان کے اوپر کالی اور پرانی لکڑی کے بنے ہوئے چار خدا نیچے وادی میں جھانک رہے تھے۔ یہ ان کی عبادت گاہ تھی۔

151122011450_kalash_640x360_bbc

لکڑی کے ان شہتیروں کو سامنے سے گھوڑوں کی شکل میں تراشا گیا تھا۔ وہاں رک کر میں نیچے وادی میں جھانکتا رہا۔اور پھر وحشت زدہ ہو کر کچھ لمحوں بعد باہرنکل آیا۔ ایک 14 پندرہ سالہ لڑکا سیڑھیاں چڑھتے ہوئے ہاتھ میں کالے بالوں والی کوئی چیز اٹھائے اوپر آ رہا تھا۔یوں لگا جیسے بکرے کا سر ہوگا۔ مگر وہ اتنا بڑا نہیں ہوتا۔ کوئی سینگ کوئی آنکھ، ناک، کان نظر نہیں آئے۔وہ بالوں بھری چیز بیل کے سر جتنی ہوگی۔ اس کا چمڑا کہیں کہیں خشک ہو کر پیلا ہو چکا تھا۔وہ کیا تھا کچھ سمجھ نہیں آیا۔

لڑکا میرے قریب سے گزر کر اس عبادت گاہ میں داخل ہو گیا۔اس نے ایک بار مڑ کرمجھے دیکھا۔ پھر بنا کچھ کہے۔ ان چوبی خداؤں کے پیچھے سے ایک لکڑی کے تختے کو ہٹایا۔ نیچے سیمنٹ کا ٹینک تھا۔اس نے نہایت ادب اور احتیاط سے وہ کالے بالوں والی چیز اس میں رکھ کر تختہ دوبارہ جمایا۔اور تیزی سے مڑ کر میرے قریب سے گزرنے لگا۔

یہ تم نے کیا کیا؟ میں نے مشکل سے مسکراتے ہوئے پوچھا۔ ہم نے اپنا دستور کیا۔ یہ کہہ کر وہ تیزی سے سیڑھیاں اترتا ہوا ۔نیچے رقص کرتے کیلاشوں میں گم ہوگیا۔ تجسس نے میری گردن پیچھے موڑی۔ مگراس بار ہمت ساتھ چھوڑ چکی تھی۔ لکڑی کے چاروں خدا مجھ پر طنزیہ مسکرا رہے تھے۔

چار بجے تک سب واپسی کے لیے تیار تھے۔ پیدل چلتے ہوئے ہم گاؤں کی سرحد سے دور ہوتے جا رہے تھے۔اور رمبور میں رکی ہوئی نخبت ہمیں جاتا دیکھ کر کہیں چھپ گئی تھی۔ وہ شاید اپنے آنسو چھپا رہی ہوگی۔ میلے کی واپسی ہمیشہ اداس اور تھکن زدہ ہوتی ہے۔ مگر عجیب سی بات تھی کہ گاؤں سے دور ہوتے ہوئے ہمارے اعصاب ہلکے ہوتے جا رہے تھے۔ جیپ چلاتے ہوئے ڈرائیور کے چہرے پر ایک طنزیہ سی مسکراہٹ تھی جیسے کہ رہا ہو ۔ دیکھ آئے میلہ ؟ ہوگئے خوش؟

 

اس بستی کا غیر معمولی بھاری اثر سب پر ہوا تھا میں دوران سفراس بھاری پن کی وجہ سوچتا رہا۔

اگرمیں یہ کہوں کہ کراچی ایک بھنور جیسا شہر ہے۔ لاہور ایک یار باش جگا ہے۔ ہرن مینار ایک بوڑھی دلہن ہے۔ کھیوڑہ سکندرِ اعظم کے تحفہ ھے۔ کٹاس راج ایک طلسم کدہ ہے۔ایبٹ آباد ایک لارڈ صاب ہے۔ دیر بالا جیسے کوئی خوبصورت پہاڑی دوشیزہ۔ تو رمبور ایک ایسا پرستان ہے۔ جہاں پریاں اور پری زاد صدیوں سے اپنے آپ میں خوش اور مگن ہیں انھیں آدم زادوں سےکوئی بیر نہیں۔ مگر ان کا بغیر اجازت پرستان میں گھس آنا۔ ان کو تعجب کی نظروں سے گھورنا۔ اور ان کی ذاتی زندگیوں میں دخل دراندازی کرنا۔ یہ سب ان پریوں کو بالکل پسند نہیں۔

یوں لگا جیسے آدم زاد بھی کافی وقتوں سے اس پرستان میں نقب لگا رہے ہیں۔ مگر اب پریاں اور پری زاد دونوں بہت محتاط ہو چکے ہیں۔ وہ آدم زادوں کی نیتوں کو اچھی طرح جان گئے ہیں۔ مگر مہذب اتنے ہیں کہ بنا کسی کو جھڑ کے۔ بنا ٹوکے۔اپنی شناخت اور خوبصورتی بچا رہے ہیں۔ وہ یہ راز جانتے ہیں کہ کیسے اپنے خاموش رویّے کے حصار اور لا تعلقی کو اپنی ڈھال بنا کر ان آدم زادوں کو اپنے آپ سے دُور رکھنا ہے ۔ ان کا سرد رویہ ہمارے اعصاب شل کرچکا تھا۔

SOURCE – READ MORE