اگر پاکستان نے افغانستان کے خلاف امریکا کو اڈے فراہم کیے تو افغانستان سمیت ایران اور چین کا اعتماد کھو بیٹھیں گے ، مولانا فضل الرحمان

شہباز شریف کو دیے گئے عشائیہ کی دعوت کے بعد اپنی رہائش گاہ کے باہر میڈیا سے گفتگو کرتے ہوئےمولانا فضل الرحمان نے کہا کہ افغانستان میں امریکا شکست کھا چکا ہے مگر اب وہ پاکستان میں بیٹھنا چاہتا ہے، اگر پاکستان نے افغانستان کے خلاف امریکا کو اڈے فراہم کیے تو افغانستان سمیت ایران اور چین کا اعتماد کھو بیٹھیں گے

انہوں نے کہا کہ ان حکمرانوں کو خارجہ کے اصولوں کے بارے میں علم تک نہیں۔

سربراہ پی ڈی ایم مولانا فضل الرحمان نے کہا کہ کیا صرف بہار آنے سے سردی گرمی ختم ہوجائے گی ؟ جی ڈی پی گروتھ میں صرف جھوٹ بولا جائے گا کہ ہماری معیشت بہتر نہیں ہورہی ہے

انہوں نے کہا کہ پہلی بارپاکستان میں ایسا ہوا کہ مرض آئے مگر علاج کی کوئی صورت نہیں ہے، یہ ملک و قوم کی بدقسمتی ہے

انہوں نے مزید کہا کہ ان نااہلوں کو اب سہارا دینا جرم ہے، اداروں، سیاسی جماعتوں اور عوام کو اس پر نظر ثانی کرنی چاہیے

انہوں نے کہا کہ اداروں کو تباہ کیا جارہا ہے، ہر جگہ پر حملے ہورہے ہیں۔اداروں کو قومی دھارے اور اصلاح کرنا تھا مگر یک دم توڑ پھوڑ پیدا کرکے بدنیتی ظاہر ہوچکی ہے

خیال رہے کہ شہباز شریف کی جانب سے بتایا گیا کہ کل مولانا فضل الرحمان کی زیر صدارت پی ڈی ایم کا سربراہی اجلاس ہوگا یہ بھی بتایا کہ اجلاس میں پیپلز پارٹی اور اے این پی بھی شرکت کرے گی

Leave a Reply

Your email address will not be published. Required fields are marked *