ذرائع کے مطابق پاکستان مسلم لیگ نواز کے صدر میاں محمد شہباز شریف کی جانب سے کہا گیا ہے کہ موجودہ حکومت کی جانب سے سامنے لایا جانے والا معاشی اعداد و شمار ناقابل اعتبار ہے اور یہ قوم کے ساتھ بڑا دھوکا ہے۔
تفصیلات کے مطابق میاں محمد شہباز شریف کی جانب سے مسلم لیگ نواز کیا کام کی ایڈوائزری کونسل کا ورچوئل اجلاس منعقد کیا گیا ہے۔ اس اجلاس میں مسلم لیگ نواز کے مختلف رہنماؤں احسن اقبال، شاہد خاقان عباسی، مفتاح اسماعیل، اسحاق ڈار ،مشاہد حسین سید سمیت دیگر ارکان نے شرکت کی۔
ذرائع کے مطابق اس اجلاس میں ملک کی اس وقت معاشی صورتحال کا مکمل جائزہ لیا گیا اور سابق وزیر خزانہ کی جانب سے اجلاس میں موجود اراکین کو ملکی معیشت کے حوالے سے بریفنگ دی گئی اس کے ساتھ ساتھ اجلاس میں بجٹ کے حوالے سے عوامی عوامی مفادات کے تحفظ کے لئے پیش کی گئی مختلف سفارشات پر بھی غور کیا گیا۔
ذرائع کے مطابق اجلاس کے دوران خطاب کرتے ہوئے مسلم لیگ نواز کے صدر میاں محمد شہباز شریف کی جانب سے کہا گیا ہے کہ حکومت پاکستان نے کی جانب سے پیش کردہ معاشی اعداد و شمار ناقابل یقین ہیں اور یہ قوم کے ساتھ بڑا دھوکا ہے۔ ان کا کہنا تھا کہ معیشت کی تباہی کے بعد معاشی غلط بیانی قوم کے مستقبل کے ساتھ کھیلنے کے مترادف ہے۔
مسلم لیگ نواز کے صدر میاں محمد شہباز شریف کی جانب سے کہا گیا ہے کہ پاکستانی قوم کو بتانا ضروری ہے کہ کس طرح معاشی تباہی ملک و قوم پر مسلط کی جا رہی ہے۔ ہم قوم کو سچائی بیان کریں گے تاکہ تاریخ میں گواہی بن سکے اور کل کو کوئی بہانہ نہ بنا سکے۔
میاں محمد شہباز شریف کا کہنا تھا کہ ہماری اولین کوشش یہ ہے کہ عوامی دشمن بجٹ کسی بھی قیمت پر منظور نہ کیا جائے۔
