فردوس عاشق عوان کی جانب سے بجلی جانے کو ن لیگ کی سازش قرار دے دیا گیا

ذرائع کے مطابق فردوس عاشق اعوان کی جانب سے فیصل آباد میں پریس کانفرنس کرنے کے دوران بجلی جانے کو مسلم لیگ نواز کی سازش قرار دے دیا گیا ہے۔

تفصیلات کے مطابق وزیر اعلی پنجاب سردار عثمان بزدار کی معاون خصوصی برائے اطلاعات ڈاکٹر فردوس عاشق اعوان گزشتہ روز فیصل آباد میں موجود تھی۔ ذرائع کا کہنا ہے کہ فیصل آباد کے ضلعی کونسل ہال میں معاون خصوصی برائے وزیر اعلی پریس کانفرنس کر رہی تھی کہ اچانک بجلی چلی گئی۔

ذرائع کے مطابق پریس کانفرنس کے دوران اچانک بجلی جانے کو ڈاکٹر فردوس عاشق اعوان کی جانب سے مسلم لیگ نواز کی سازش قرار دے دیا گیا ہے۔ ڈاکٹر فردوس عاشق اعوان کا کہنا تھا کہ اس طرح پریس کانفرنس کے دوران بجلی کا چلے جانا پاکستان مسلم لیگ نواز کی ایک سازش ہے اور اس سازش کے پیچھے مسلم لیگ نون کی باقیات بیٹھی ہوئی ہے۔

ذرائع جانب سے کہا گیا ہے کہ وزیراعلی پنجاب کی معاون خصوصی کی جانب سے کہا گیا ہے کہ پاکستان مسلم لیگ نواز اور اس کی باقیات پوری کوشش کر رہی ہے کہ حکومت کی حکمت عملی کو ناکام بنا دیا جائے۔

ذرائع کے مطابق فردوس عاشق اعوان کا مزید کہنا تھا کہ جنہوں نے پچھلے کئی سالوں میں گند پھیلا یا ہے وہ اب کہیں بھی صفائی برداشت نہیں کر سکتے۔ لیکن گند پھیلانے والے سن لیں آپ چاہے بجلی ان کریں یا آف حکومت پنجاب اور حکومت پاکستان اپنا کام ہر حال میں کرتی رہے گی۔

وزیراعظم پاکستان عمران خان کے متعلق بات کرتے ہوئے ڈاکٹر فردوس عاشق اعوان کا کہنا تھا کہ سب جان چکے ہیں کہ وزیراعظم پاکستان عمران خان کو بلیک میل نہیں کیا جا سکتا۔ اپنی حکومتوں کے دوران پاکستان کی سرکاری زمینوں پر قبضہ جمانے والے لوگ اس وقت لندن میں موجود ہیں۔

Leave a Reply

Your email address will not be published. Required fields are marked *