بلاول بھٹو نے کہا ہے کہ ایک سال میں بجلی کی قیمتوں میں 29 فیصد اضافہ عوام دشمنی کی انتہا ہے
پاکستان پیپلز پارٹی کے چیئرمین بلاول بھٹو نے کہا کہ مافیاز کی سرپرست حکومت عوام کو دونوں ہاتھوں سے لوٹ رہی ہے۔ کم آمدنی والے گھرانے کے لیے زندگی گزارنا مشکل ہوتا جا رہا ہے
بلاول بھٹو زرداری نے بڑھتی مہنگائی کے بارے میں بات کرتے ہوئے کہا کہ کپڑوں کی سلائی کی قیمتو ں میں 4.5 فیصد اضافہ تک اضافہ ہو گیا ہے گھروں کے کرایوں میں 9.3 فیصد تک اضافہ کیا گیا ہے جو عام آدمی کو سڑک پر لانے کے مترادف ہے
انہوں نے کہا کہ بجلی کی قیمتوں میں 29 فیصد اضافہ عمران خان کی عوام دشمنی کی انتہا ہے
بلاول بھٹو نے کہا کھانے پینے کی اشیا 15.9 فیصد تک مہنگی ہوچکی ہیں۔ ٹماٹر کی قیمت میں 67 فیصد اضافہ کیا گیا ہے جو کہ عمران خان مہنگی مافیہ کے سرغنہ ہونے کا ثبوت ہے
انہوں نے کہا کہ پاکستان تحریک انصاف کی حکومت میں عوام پس رہے ہیں عمران خان کے سرمایہ دار دوست مہنگائی کے ذریعے پیسہ بنا رہے ہیں
چیئرمین پیپلز پارٹی بلاول بھٹونے کہا کہ پیپلزپارٹی کی سندھ حکومت نے بدترین مہنگائی کے دنوں میں بے نظیر مزدور کارڈ کا اجراء کیا، بینظیر مزدور کارڈ سے پہلے مرحلے میں چھ لاکھ رجسٹرڈ صنعتی مزدوروں کے خاندانوں کی زندگی آسان بنائیں گے، دوسرے مرحلے میں تمام محنت کش مزدوروں کو بے نظیر کارڈ کا اجراء ہو گا
ان کا مزید کہنا تھا کہ بیماری کے دوران بے نظیر مزدور کارڈ سے میڈیکل گرانٹ دی جائے گی، بچوں کے تعلیمی اخراجات،اور شادی کے لئے بھی گرانٹ ملے گی نیز مزدور کارڈ سے رہائشی اسکیموں میں بھی خصوصی رعایت ملے گی
